ani

sapat na rin ang mga nagdaang ulan
huwag nang hintayin ang unos
kalabisang nakamamatay

maraming naghihintay
mga pinggang matagal nang walang laman
mga maya na nabubuhay na lang
sa uod

mga uod na hindi man kasali
malugod na hinihintay
ang isa-isang pagtumba ng palay
kamatayang bumubuhay

gusto kong kasabay kita sa panahong
isa-isa nating huhubaran ang palay

kahit kalimutan mo na ako
sa panahon ng taniman

iba na ang iwanan mo akong busog....